Waxaa Caado ah in Marka Laba Ruux oo Lamaane ah is Aroosayaan in Maalina Todobada ah ay Haweenka u yimaadaan Aroosada oo ah maalinka ay ugu Magacdareen Maalinka Shaash Saarka waxaa Gabadha loo keeno Hadiyo Kala Duwan sida Baati, Jalbaab,Saacad, Kabo, Gogosha Sariirta, Cilaan, Lacag iyo Dhamaan Wixii haweenka isku Qurxiyaan waxaana Meeshaas ka dhaca Mashxarad iyo soo dhaweyn waxaa gabadha loogu Duceeyaa Wiil iyo Caano iyo Gabar iyo caanno
Hadaba Maxaa Diidaya in raga ay qaataan maalinka sideeda oo raga ay Booqdaan ninkii Arooska ah waxaana maalinkaas aan u Bixiyey Maalinka Cimaamad Saarka Halkaana loogu Geeyo Arooska Wixii Hadiyad ah Sida Macawis,Kabo, Suun, Shaati, Cimaamad, Koofi , Surwaal, Lacag iyo Wixii kale oo uu raga Qaataan oo wiilka ugu Duceno Wiil iyo Caano iyo Gabar iyo Caano
Ragow Laba Mid aan qaadano Waa Fikirkeyga maalinka Sideeda ah ama maalin aan ka Horeynno Tooda oo ah Maalinka Lixaad , Midda kale waxaa aad ula yaabaa in Maalinka Tododobada ah ninka Arooska ah uu Guriga ka Qaxo oo Maalinkii oo dhan uu Gurigiisa ka Maqnaado isagoo Xaluulanaya uu Habeenkii Guriga uu Yimaado ama inta Teleefonka iska soo Hormariyo uu yiraahdo ma la joogaa marka Maxaa diidaya in Gabadha Aroosada iyana Markeeda Qaxdo oo reerkooda Booqato maadama Maalinkaa ay Raga isugu imaanayaan oo arrintu Noqoto Nimba markiisa
Maalinta Todobada ah ee Haweenka leeyihiin aniga aad baan u soo dhaweeyaan waayo wxii Hadiyad ah ee gabadha loo keeno oo ay ku jirto Lacag waxay Taakuleyn Tabaruc u tahay reerka maadaama Kharasha badan uu Arooskoodii ku baxay marka Ragow anagana maxaa noo diidaya in aan Tabarucaad aan siino Dhigeenna oo aan Qabso Maalinka Sideedaad ama Maalinka Lixaad marka Ragow maxaa u Garan weyney wixii ay haweenku garteen mise iyagaa u Daynaa arrinta si ay Ninka Arooska ah uu qayb ku yeesho waxa Haweenka u Keenayaan Gabadha Aroosada mise Maalinkeenaa Qaadanaa
W/D Amiin Yuusuf Khasaaro
E-Mail amiinkhasaaro@hotmail.co.uk
E-Mail amiinkhasaaro@yahoo.co.uK
Tel: 00252615532494
Xafiiska Shabakada Allbanaadir.com
Muqdisho Somalia
Allbanaadir@live.com
Muqdisho Somalia
Allbanaadir@live.com
