Xildhibaan Idiris Cabdi Dhaqtar oo ka tirsan xubnaha aqalka hoose ee baarlamanka Somalia ayaa buuq ka dhex dhaliyay kulankii lagu taageerada Madaxweynaha ee maanta ka dhacay Muqdisho
buuqa ayaa yimid ka dib markii xildhibaanka oo hadlayay uu soo jeediyay in la tuuro Guddoomiyaha Golaha Shacabka iyo labadiisa ku-xigeen, haddii ay heshiin waayaan, isagoo ku eedeeyay inay qeyb ka yihiin khilaafka kala qeybiyey baarlamanka.
“Mursal, Muudey, iyo Mahad, saddexdooda isku mid ayay noo yihiin, haddii ay heshiin waayaan aan tuurno, Guddoon cusub aan doorano, labadan sano ee dowladda u dhiman mooshin la’aan haku dhameysato”ayuu yiri Xildhibaan Idiris Cabdi Dhaqtar
Hadalkaas ayaa bedelay jawigii kulanka taageerada Madaxweyne Farmaajo, waxaana xildhibaanka ku buuqay xildhibaano diidanaa weerarka uu ku qaaday labada guddoomiye ku-xigeen ee Baarlamanka.
Xafiiska Shabakada Allbanaadir.com
Muqdisho Somalia
Allbanaadir@live.com
