Warar lagu kalsoonaan karo oon helnay ayaa sheegaya in goordhaw garoonka diyaaradaha Aadan Cadde ee magaalada Muqdisho ay ka duushay diyaarad gaar ah oo loogu tala galay in Baydhabo looga soo qaado Musharax Mukhtaar Roobow oo Baydhabo lagu xiray.
Diyaarada oo ah nuuca yar yar ayaa saacad kadib la filayaa in ay gaarto magaalada Baydhabo, waxaana diyaarada magaalada Muqdisho usoo qaadeysa Abuu Mansuur oo Maxbuus ah.
Dowlada Federaalka Soomaaliya ayaa la sheegay in iyadu ka dambeesay xariga maanta magaalada Baydhabo ugu geesteen ciidamo Itoobiyaan ah, waxa ayna Dowlada Abuu Mansuur qaab qasab ah ugu soo qaadeysaa Muqdisho.
Lama oga in dowlada ay Xabsi dhigi doonto Sheekh Mukhtaar Roobow Abuu Mansuur marka la keeno Muqdisho iyo in kale, waxa ayna dowlada horey uga dalbatay Abuu Mansuur in uu isaga haro doorashada balse ka biyo diiday.
Waxii Warar ah ee kusoo kordha warkan kala soco Warrakayaga dambe Insha Allah
Xafiiska Shabakada Allbanaadir.com
Muqdisho Somalia
Allbanaadir@live.com
