Kooxo hubeesan ayaa maanta meel ku dhaw Isgooska Black Sea ee magaalada Muqdisho waxa ay ku dileen labo askari oo la sheegay in ay katirsanaayeen ciidanka Milatariga Soomaaliya.
Goobjoogayaal ayaa ku waramay in kooxo biskoolado ku hubeesan rasaas huwiyeen labo askari oo katirsanaa ciidanka Milatariga, waxaana goobtaasi ku geeriyooday labada askari ee rasaasta lagu boobsiiyay.
Kooxaha dilka geestay ayaa goobta si deg deg ah uga baxsaday, waxaana warar soo baxaya sheegayaan in raga hubeesan ee dilka geestay ay horey usii qaateen labo qoray ay wateen askarta la dilay.
Magaalada Muqdisho ayaa maanta inta la ogyahay waxaa ka dhacay sadex dil oo labo kamid ah ahaayeen ciidankan katirsan Milatariga halka kan sadaxaadna saakay loo geestay nin ganacsade ah.
Xafiiska Shabakada Allbanaadir.com
Muqdisho Somalia
Allbanaadir@live.com
