War goordhaw kusoo dhacay warqabadka Shabakada Allbanaadir ayaa sheegaya in ciidamada amaanka dowlada Soomaaliya gacanta kusoo dhigeen mid kamid ah rag saakay dil ka geestay Degmada Dayniile.
Masuul katirsan maamulka degmada Dayniile ayaa sheegay in dabagal iyo xuuraansi ay sameeyeen lagu qabtay nin kamid ahaa rag saakay degmada Dayniile gaar ahaan agagaarka Ex-Control Afgooye ku dilay Ganacsade Cabdi Cismaan Afrax (Cabdi Biifane)
Ciidamo katirsan milatariga Soomaaliya oo war galin la siiyay ayaa deegaanka Ceelasha Biyaha ku qabtay mid kamid ahaa ragii dilay ganacsade Cabdi Biifane iyo gaari uu lahaa ganacsade ay horey u qaateen ragii dilka geestay.
Ninkan lasoo qabtay iyo gaarigii uu lahaa ganacsadaha saakay la dilay ayaa la geeyay xarunta Dambi baarista CID-da, waxaana saraakiisha dambi baarista sheegeen in baaritaano ku sameyn doonaan ninkan lasoo qabtay.
Al Shabaab ayaa sheegatay masuuliyada dilka saakay loo geestay Cabdi Cismaan Afrax (Cabdi Biifane), waxa ayna Al Shabaab sheegeen in ninkan uu katirsanaa saraakiisha waaxda canshuuraha u qaabilsan dowlada.
Xafiiska Shabakada Allbanaadir.com
Muqdisho Somalia
Allbanaadir@live.com
