Allbanaadir.com
NEWS

Mareykanka oo duqeyn ku laayay Muhaajiriin badan oo Afrikan ah

Diyaaradaha dagaalka dowladda Mareykanka , ayaa duqeymo culus ku garaacay dalka Yemen gaar ahaan goobo ay maamulaan kooxda Xuutiyiinta, waxaana duqeymaha qaar ka dhashay khasaaro badan oo isugu jira dhimasho iyo dhaawac.

Ugu yaraan 68 qof ayaa lagu dilay weerar cirka ah oo Mareykanku uu ku qaaday xarun lagu hayo muhaajiriin Afrikaanka ah oo ku taal waqooyi-galbeed ee Yemen, goobtan la duqeeyay ayaana waxaa maamulayay kooxda  Xuuthiyiinta , sida uu sheegay TV- afka kooxdaasi ku hadla.

Duqeyntan , ayaa sidoo kale waxaa ku dhaawacmay dad gaaraya 47-qof , kuwaa oo la sheegay in badankooda dhaawacyada ay qabaan ay yihiin kuwa culus, waxaana dhaawacyada loo daadgureeyay oo lagu daweenayaa xarumo caafimaad.

Muuqaal lagu baahiyay tv-ga Al Masirah ee ku hadla afka kooxda Xuutiyiinta ,ayaa laga arkayay meydad badan oo daadsan goobta la duqeeyay, waxaana dadka qaar hilbahooda laga soo saarayay dhismayaal kusoo dumay .

Mareykanka , ayaan wali ka hadlin duqeyntan la sheegay in ay ku laayeen dad muhaajitiin ah oo ku sugnaa gobolka Sacda ee dalka Yemen, waxa ayna Mareykanka taliskooda horey u sheegeen in ay duqeeyeen in ka badan 800 oo bartilmaameed oo ay Xuutiyiinta  maamulaan, tan iyo markii duqeymaha bilowdeen.

Xafiiska Shabakadda Allbanaadir.com
Muqdisho Somalia
Allbanaadir@live.com

Related posts

Dad loo xiray Weerarkii dadka badan lagu dilay ee ka dhacay degmada Maxaas

Cabdi Cade

Dugsiga Amiin Quran Online oo fursad qaaliya u haya qurbajoogta soomaliyed wakhtiga summer-ka

Cabdi Cade

Hooyo Soomaali ah iyo 5 caruurteeda ah oo lagu amray iney ka baxaan dalka Norwey

Caydiid Ali
Taboola Ads ---