Madaxweynaha Dowladda Hirshabeelle Mudane Cali Cabdullaahi Xuseen (Cali Guudlaawe) oo wado dardargelinta iyo abaabulka howlgalka ka dhanka ah Al shabaab ayaa booqday aagga Sumadaalle oo ay ku sugan yihiin ciidamada qalabka sida iyo kuwa deegaanka.
Ugu horreyn Madaxweynaha ayaa goobta kulan kula qaatay saraakiisha waxaana lagu gorfeeyay sida ay suuragal ku tahay duullaan mid ah oo lagu qaadoal shabaab
“Waxaan ku kalsoonahay xeeladda iyo tababarka aad qabtaan. Khawaariij iyo Khawaarij kalkaal waan ka adkaaneynaa maalmaha soo socda haddii uu Alle idmo.” ayuu yiri Cali Guudlaawe
Hirshabeelle ayuu sheegay iney ka go’an tahay in lagu wiiqo awood walba ay isugu keentay Al shabaab
Madaxweynaha ayaa ugu dambeyn u mahadceliyay saraakiisha ciidamada iyo kuwa deegaanka ee dagaalka kula jira Al shabaab.
HOOS KA DAAWO SAWIRADA
