Nin xirnaa dareeska ciidanka xoogga dalka Soomaaliya ayaa rasaas culus huwiyay sidaasna ku dilay taliyihii guutada ciidanka 14 ka October ee ciidanka xoogga dalka Gaashaanle Sare Nuur Farey Gaabow.
Falkan taliyaha lagu dilay ayaa ka dhacay deegaan katirsan gobolka Shabeelaha Hoose, waxaana wali la ogeyn ninka dilka geestay ee xirnaa dareeska ciidanka in uu ahaa askari ciidanka katirsanaa ama in uu isku ekeesiyay ciidanka katirsanaa Al Shabaab.
Warar soo baxaya ayaa sheegaya in ninka dilka u geestay taliye Nuur Farey isna isla goobta lagu dilay, mana jiraan faah faahino badan oo dowladda Soomaaliya ka bixisay falkan dilka ah ee aadka looga argagaxay.
Madaxweynaha maamulka Koonfur Galbeed Cabsicasiis Laftagareen , ayaa qoraal uu soo saaray kaga tacsiyadeeyay geerida ku timid taliye Nuur Farey, waxa uuna taliyaha ku sifeeyay nin geesi ah oo shaqo badan usoo qabtay dalkiisa iyo dadkiisa.
“Waxaan ugu tacsiyeynayaa Ehelka, Qaraabada, Ciidamada qalabka sida iyo Guud ahaan Shacabka Soomaaliyeed Geerida naxdinta leh ee ku timid Alle Hau-Naxaristee Gaashanle Sare Nuur Farey Gaabow oo ahaa Taliyaha Guutada 14- Oktoobar ee Ciidanka Xooga Dalka. Taliye Nuur Farey wuxuu ahaa geesi qaran, shaqo wacan ka soo qabtay Dalkiisa, intii uu noolaa waxa uu muujiye Daacadnimo, karti iyo Waddaniyad. Waxaan Alle uga baryeynaa inuu Naxariistiisa Janno ka waraabiyo, samir iyo iimaanna ka siiyo Dhammaan Qaraabada iyo Ciidanka Xooga Dalka” ayuu yiri Madaxweyne Laftagareen.
Warka aan heleyno, ayaa sheegaya in durba taliska milatariga Soomaaliya bilaabeen baaritaanno ku aadan falkan dilka ah ee maanta loo geeatay sargaal muhiim u ahaa milatariga Soomaaliya, waxaana jirta cabsi laga qabo in dikan uu fuliyay xubin katirsanaa ciidanka , sidoo kale u shaqeenayan Al Shabaab .
