Dowladda Mareykanka , ayaa saddexdii toddobaad ee u dambeeyay weerarrada dhinaca cirka ee ka dhanka ah Xuutiyiinta dalka Yemen ,waxaa uga baxday ku dhawaad hal bilyan oo dollar.
Saraakiisha ciidamada Mareykanka ayaa qiray in kooxda Xuutiyiinta ay weli awoodaan in ay xoojiyaan meelaha ay ku ilaashadaan kaydadka hubka ee dhulka hoostiisa ah,sida ay sameeyeen duqeymihii ay fulinayeen maamulka Biden in ka badan hal sanno oo aan wax khasaare ah gaarsiin kaydka Xuutiyiinta.
Telefishinka CNN , ayaa baahiyay in ay adag tagay in la ogaado keydka hubka Xuutiyiinta iyo waliba goobaha hubkaasi kooxda ugu keydsan yahay sida uu ka soo xigtay saraakiil Mareykan ah oo la hadlay telefishinka.
Duqeymaha Mareykanka ka fuliyay gudaha Yemen, gaar ahaan saldhigyo ay leeyihiin Xuutiyiinta ayeysan ku yeelan saameyn badan, waxa ayna Xuutiyiinta wali awoodaan in ay fuliyaan weerarada ay u adeegsadaan ganataalada culus.
Dhinaca kale Madaxweynaha Ruushka , Vladimir Putin ayaa la sheegay inuu wada-hadalkii u dambeeyay ee telefoonka ay ku yeesheen inuu kula taliyay Trump , inuu wada-xaajood uu dhex dhexaadinayo Ruushka la furo Xuutiyiinta , sabab la xiriirta inay ku adkaan doonto inuu meesha ka saaro , haddii kale ay wax badana uga lumi doonaan , sida ay baahisay wakaaladda wararka Ruushka ee RIA Novosti.
