Boqortooyada Sacuudiga, ayaa ka shaqeeneysa sidii kulan fool ka fool ah u yeelan lahaayeen Madaxweynaha dalka Mareykanka Donald Trump iyo Madaxweynaha dalka Suuriya Axmed Sharac, kulankaas ayaana noqonaya mid si weyn loo wada sugayo.
Warbaahin kala duwan ayaa qoray in Dhaxal-sugaha Boqortooyada Sacuudiga Maxamed Bin Salmaan , ka shaqeenayo sidii bisha soo socota ee May gudaha Sacuudiga ugu kulmi lahaayeen Madaxweyne Donald Trump iyo Madaxweynaha Suuriya.
Sacuudiga, ayaa la sheegay in uu doonayo in la xaqiijiyo aqoonsiga Mareykanka ee xukuumadda Suuriya ,iyadoo dhaxal-sugaha boqortooyadda Sacuudiga uu dadaal ku bixinayo sidii uu Trump ugu qancin lahaa inuu ka qaado cunaqabateynta saaran Suuriya.
Kulanka labadan hoggaamiye oon wali si rasmi ah loo ogeyn in uu qabsoomi doono , ayaa ah mid si weyn isha loogu hayaa, iyadoona kulankan uu soo baxayo xilli Israa’iil bilowday in duqeymo dulmi ah ka fuliso gudaha dalka Suuriya.
Madaxweynaha cusub ee dalka Suuriya, ayaa durba soo jiitay indhaha caalamka, waxa uuna dhawaam soo dhisay dowlad ay u dhan yihiin dadka dega dalka Suuriya, waxaana wasiiradiisa ku jirta haweeney heesata diinta Kirishtaanka.
Xafiiska Shabakadda Allbanaadir.com
Muqdisho Somalia
Allbanaadir@live.com
