Ra’isul Wasaaraha Xukuumadda Federaalka Soomaaliya Xamse Cabdi Barre, ayaa lagu wadaa in maalmaha soo socda gaaro magaalada Laascaanood ee xarunta maamulka SSC Khaatumo , waxaana socda diyaar garow ku aadan soo dhaweynta Xamse iyo xubnaha la socda.
Guddi hoosaadka amniga ee golaha Wasiirrada SSC-Khaatumo , ayaa kulan looga hadlayay xoojinta amniga caasimadda iyo soo dhaweynta wafdiga Ra’isul Wasaare Xamse, waxa ayna la yeesheen laamaha amniga iyo maamulka gobolka iyo kam degmada.
Wasiirka Caddaaladda maamulka SSC Khaatumo, ayaa xaqiijiyay imaanshiyaha Xamse Barre ee magaalada Laascaanood, waxa uuna Wasiirka shacabka uga mahadceliyay sida ay ugu diyaargaroobayaan soo dhaweynta wafdiga Xukuumadda Soomaaliya ka socda.
Waxa kale Wasiirka sheegay in ay socdaan soo dhaweyn aad u heer sareeyo oo loo sameenayo wafdiga uu hoggaaminayo Ra’isul Wasaare Xamse, waxa uuna shacabka u sheegay in ay dib kasoo sheegayaan waqtiga rasmiga ah uu imaanayo Xamse Barre magaalada Laascaanood.
Xukuumadda Soomaaliya, ayaam dhankeeda wali xaqiijin safarka la sheegay in Ra’isul Wasaaraha Soomalaiya markii ugu horreysay ku tagayo magaalada Laascaanood, waxaana jira in maamulada Puntland iyo Somaliland kasoo horjeedaan in Xamse Barre tago magaalada Laascaanood.
Xafiiska Shabakadda Allbanaadir.com
Muqdisho Somalia
Allbanaadir@live.com
