Madaxweynaha Jamhuuriyadda Federaalka Soomaaliya Mudane Xasan Sheekh Maxamuud, iyo wafdi uu hoggaaminayo ayaa gaaray magaalada Jabuuti ee caasimadda dalka aan walaalaha nahay ee Jamhuuriyadda Jabuuti.
Xasan Sheekh Maxamuud, ayaa inta uu joogo dalka Jabuuti waxa uu kulan gaar ah la qaadan doonaa Madaxweynaha Jabuuti Ismaaciil Cumar Geelle iyo masuuliyiin kale, waxa uuna kala hadli doonaa xaalada siyaasadeed iyo mida dagaal uu dalka ku jiro.
Labada Madaxweyne ayaa sidoo kale kulankooda kaga wada-hadli doona xoojinta xiriirka soojireenka ah iyo iskaashiga istaraatiijiga ee ka dhexeeya labada dal, gaar ahaan dhinacyada amniga, dhaqaalaha, siyaasadda iyo adkaynta xasilloonida gobolka.
Dowladda Jabuuti ayaa kamid ah dowladaha Soomaaliya ka taageero dhinacyo badan oo amniga ugu horreyso, waxaana Jabuuti gudaha Soomaaliya ka jooga ciidamo nabad ilaalin ah oo qeyb ka ah howlgalka cusub AUSSOM.
Xafiiska Shabakadda Allbanaadir.com
Muqdisho Somalia
Allbanaadir@live.com
