Dagaal dhaliyay khasaaro isugu jira dhimadho iyo dhaawac oo u dhaxeeya labo maleeshiyo beeleed oo kasoo kala jeeda deegaannada Puntland iyo Galmudug , ayaa maanta ka qarxay deegaanka Jiicboor ee dhaca galbeedka gobolka Mudug.
Sida aan wararka ku helnay dagaalka ayaa u dhaxeeya labo maleeshiyo beeleed oo kasoo kala jeeda beelaha Leelkase iyo Sacad, ayaa mar kale ka qarxay deegaanka Jiicboor, oo horey marar badan ugu dagaallameen labadan maleeshiyo beeleed.
Dagaalka ayaa lagu soo waramayaa in uu ka dhashay khasaaro isugu jira dhimasho iyo dhaawac soo kala gaaray labada dhinac, waxaana wali lasoo sheegayaa in rasaas ka dhaceyso aagga saakay dagaalka labada naleeshiyo beeleed uu ka qarxay.
Heshiis ay horey u gaareen odayaasha labada dhinac ayaa u muuqda mid fashilmay, waxaana marar badan lagu guul dareestay in lasoo afjaro dagaalkan labada beeleed u dhaxeeya oo kusoo noqnoqday galbeedka gobolka Mudug.
Xafiiska Shabakadda Allbanaadir.com
Muqdisho Somalia
Allbanaadir@live.com
