Warar lagu kalsoonaan karo oon helnay, ayaa sheegaya in Ra’isul Wasaaraha Xukuumadda Soomaaliya Xamse Cabdi Barre iyo wafdi uu hoggaaminayo ay ku wajahan yihiin magaalada Laascaanood ee xarunta maamulka SSC Khaatumo.
Xamse Barre iyo wafdiga la socda ayaa maalmaha soo aadan tagaya magaalada Laascaanood, waxa ayna halkaasi u tagayaan indha indheyn iyo sidii ay kulamo ula qaadan lahaayeen madaxda sare ee maamulka Khaatumo iyo qeybaha kala duwan ee bulshada.
Maamulka Khaatmo ayaa dankooda wada diyaar garow ku aadan soo dhaweynta Ra’isul Wasaare Xamse Cabdi Barre iyo wafdiga la socda, waxaana maamulka guddi gaar ah u xil saareen diyaarinta soo dhaweynta wafdigan sare ee Laascaanood ku wajahan.
Ra’isul Wasaare Xamse Barre, ayaana la filayaa marka uu tago Laascaanood in halkaasi ka dhagax dhigio mashaariic horumarineed, sidoo kale kulamo kala duwan la qaato madaxda sare ee maamulka Khaatumo iyo garaada maamulkaasi.
Dowladda Soomaaliya, ayaan wali si rasmi ah maamul goboleed lamid ah kuwa kale ee dalka ka jiran u aqoonsan maamulka Khaatumo , waxaana la filayaa in booqashada Xamse ku tagayo Khaatumo sare u qaado maqaamka maamulkaasi.
Xafiiska Shabakadda Allbanaadir.com
Muqdisho Somalia
Allbanaadir@live.com
