Madaxweynihii hore ee Soomaaliya Maxamed Cabdullaahi Farmaajo , ayaa qoraal uu soo saaray kusoo dhaweeyay gogoshii uu Madaxweyne Xasan Sheekh u fidiyay siyaasiyiinta ka aragtida duwan Villa Soomaaliya, si loogu midoobo loogana arrinsado halista argagaxisada.
Farmaajo , ayaa sheegay in baaqa Madaxweynaha uu yahay tallaabo loo baahan yahay oo qeyb ka noqon karta xal u helidda duruufaha siyaasadeed iyo khataraha amni ee ku gadaaman dalkeenna. Waxa uuna adkeeyay in shirkan ay isugu yimaadaan dhammaan dhinacyada ay khusayso heer Federaal iyo heer Dowlad-goboleed.
”Madaxweyne Xasan Sheekh Maxamuud, waxaan ku dhiirrigelinaynaa in uu ficil u beddelo baaqa, kana dhabeeyo gogosha uu fidiyey, isagoo abuuraya jawi siyaasadeed oo ku dhisan kalsooni, wadashaqeyn iyo ilaalinta dastuurka lagu doortay, iyada oo meesha laga saarayo tallaabo kasta oo hal dhinac ah oo wax u dhimaya midnimada dalka iyo hannaanka dowladnimo ee heshiiska lagu yahay” ayuu yiri Farmaajo.
Halkan ka akhriso qoraal uu soo saaray Madaxweyne hore Farmaajo
Xafiiska Shabakadda Allbanaadir.com
Muqdisho Somalia
Allbanaadir@live.com
