Somaliland ayaa ku dhawaaqday inay tahay beri maalinta koowaad ee Ciidul fitriga ka dib markii bisha shawal laga arkay degaano kala duwan
Wasiirka awqaafta iyo arrimaha Islaamka ee Somaliland ayaa sheegay in 9 qof oo ku kala sugan Hargeysa iyo labada deegaan ee Go’da-yar iyo Laaso-Dawaco ay arkeen bisha Shawaal berrina ay tahay maalinta koowaad ee Ciidul Fitriga.
Madaxweynaha Somaliland C/raxmaan Cirro ayaa shacabka muslimiinta iyo guud ahaan shacabka Soomaaliyeed ugu hambalyeeyey munaasabada ciiida.
“Shacabka Somaliland iyo guud ahaan shucuubta Islaamka waxaan u rajeynayaa iney ciidan teeda kale ku gaaraan, nabad, horumar iyo barwaaqo” ayuu yiri Madaxweyne Ciro.
Sacuudiga iyo inta badan dalalka Islaamka ayaa sheegay iney beri tahay maalinta koowaad ee ciidul fitriga ka dib markii dalalkaas laga arkay bisha Shawaal.
Dowlada Soomaaliya ayaan illaa hadda war ka soo saarin in beri ay tahay ciid iyo in kale, iyadoo la filayo iney goor dhow arrintaas ka hadasho.
HOOS KA DAAWO HADALKA CIRO
