Dagaal xooggan ayaa caawa ka socdaa deegaanada Bursha shiikh & Sumadaale ee gobolka Shabeellada dhexe kaasoo u dhaxeeya Ciidanka Dowladda iyo kooxda Al Shabaab.
Sida wararku sheegayaan dagaalkan ayaa yimid ka gadaal markii Ciidanka sida gaarka ah u tababaran ee NISA ay galeen goobo ay Al shabaab isku uruursanayeen
Rasaas culus iyo qaraxyo waaweyn ayaa laga maqlayaa goobaha dagaalku ka socdo sida dadka degaanadaas ku dhow soo sheegayaan.
Wararka ayaa sidoo kale sheegaya in dayuuradaha wax duqeeya ay ka qeyb qaadanayaan dagaalka kuwaasoo caawa dul wareegaya hawada gobolka Sh/dhexe
Xaaladda ayaa kacsan iyadoo dagaalka uu socdo, khasaara kala duwan oo dhimasho iyo dhaawac leh ayaa jira inkastoo aan xog laga heynin heerka uu gaarsiisan yahay.
LA SOCO WIXII KA SOO KORDHA
