Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo ku hoyanaya jiidaha hore ee dagaalka ka dhanka ah argagixisada ayaa caawa kulan kula qaatay degmada Moqokori Hoggaanka Hirshabelle iyo saraakiisha ciidamada hormuudka u ah howlgallada xoreynta dalka.
Madaxweynuhu ayaa ka xog wareystay Madaxweyne Kuxigeenka Hirshabeelle iyo Hoggaanka ciidamada jiidda hore, guulaha iyo caqabadaha jira
Waxay soo bandhigeen sida ay ciidamada u dhiirri-gelinayso in Madaxweynihii Qaranka uu kula sugan yahay furinta dagaalka, si dhowna ula socdo guulaha, baahiyaha iyo geesinimada Ciidanka Soomaaliyeed.
Madaxweynaha ayaa sidoo kale maanta tagay degmada Aadan-yabaal ee gobolka Shabeelaha dhexe oo ka mid ah talisyada laga hoggaamiyo hawlgalada lagula dagaalamayo al shabaab
Madaxweynaha oo dayuurad Helicobter ah ay ka qaaday Muqdisho ayaa saaka kolonyo uu la socday waxaa qarax weyn lagula beegsaday meel aan ka fogeyn madaxtooyada DF, waxaana uu qabsaday qaraxaas mid ka mid ah gaadiidkii madaxweynaha Gelbinayey.
