Qarax xooggan oo nuuca miinada hareeraha waddooyinka la dhigo ayaa barqonimadii maanta ka dhacay laamiga Ceel Gaabta ee degmada Xamar Jajab, waxaana qaraxan la sheegay in uu ka dhashay khasaaro isugu jira dhimasho iyo dhaawac.
Sida aan wararka ku helnay qaraxa miino ayaa lagu qariyay guri dabaq ah hoostiisa oo kuyaalla laamiga Ceel Gaabta, waxaana waddada qaraxa ka dhacay la sheegay in ay u xirneed Madaxweyn e Xasan Sheekh oo halkaasi marayay kuna sii jeeday farumaha hore ee dagaalka gobolka Shabeelaha Dhaxe.
Inta la xaqiijiyay hal qof oo shacab ah misana la sheegay in uu ahaa nin dukaan ku lahaa goobta uu qaraxu ka dhacay ayaa geeriyooday, dad kalana waxaa la sheegay in dhaawacyo soo gaareen, dhismaha uu qaraxa hoostiisa ka dhacay ayaa iyana la sheegay in burbur soo gaaray.
Ciidamada ammaanka gaar ahaan booliiska iyo nabadsugidda ayaa xiray goobta uu qaraxu ka dhacay, waxa ayna ciidamada halkaasi ka wadaan baaritaanno ku aadan qaraxan sida uu u dhacay , iyaga oo baaraya kaamirooyinka halkaasi kuyaalla.
Xafiiska Shabakadda Allbanaadir.com
Muqdisho Somalia
Allbanaadir@live.com
