Allbanaadir.com
NEWS

Sargaal caan ahaa oo kasoo goostay Daacish oo isaga oo meyd ah la arkay

Wararka ka imaanaya magaalada Boosaaso ee xarunta gobolka Bari , ayaa sheegaya in uu geeriyooday Cabdiraxmaan Shirwac Aw Siciid (Laahoor) oo horey uga tirsanaa saraakiisha sar sare ee kooxda Daacish, balse bil kahor isku soo dhiibay ciidanka Puntland ee dagaalka ka wada buuraha Calmiskaad.

Laahoor , ayaa la sheegay in saakay aroortii hore meydkiisa laga helay qolkii uu kaga xirnaa xabsi ku yaalla xerada ciidanka PMPF ee magaalada Boosaaso, waxaana la sheegay in ninkan isaga oo caafimaad qaba seexday , balse la arkay saakay  isaga oo meyd ah oo dul saaran sariirtiisa.

Maamulka Puntland ayaan ilaa hadda wax war ah kasoo saarin geerida ku timid sargaalkan horey uga tirsanaa kooxda Daacish ee hadda lagula dagaallamayo buuraha Calmiskaad, waxaana la sheegay in socdaan baaritaanno la xariira sababta keentay geerida sargaalkan .

Cabdiraxmaan Laahoor, ayaa horey maxkamadda ciidamada Puntland waxa ay ugu riday xukun dil ah, kaddib markii lagu helay in uu katirsanaa saraakiisha kooxda Al Shabaab, gaar ahaan kuwa qaabilsanaa dilalka gaadmada ah, waxaana lagu eedeeyay in uu maleegay dilal dad badan loo geestay.

Ninkan ayaana xukunka kaddib ka baxsaday magaalada Boosaaso, isagoona galay buuraha gobolka Bari ay ku sugnaayeen kooxda Daacish, Laahoor ayaana 3-dii bishii hore ee Febraayo isku soo dhiibay ciidamada Puntland, kaddib markii uu bilowday howlgallo lagu soo afjarayo kooxda Daacish.

Xafiiska Shabakadda Allbanaadir.com
Muqdisho Somalia
Allbanaadir@live.com

 

Related posts

Madaxweyne Farmaajo oo Baaq muhiim ah u diray Shacabka Soomaaliyeed

Cabdi Cade

Mooshin ka dhan ah Heshiis Xukuumadda la gashay Itoobiya iyo Imaaraadka oo loo gudbiyay …

Cabdi Cade

(Daawo Sawirro) Hormuud Foundation oo Matoor weyn ugu deeqday Isbitaalka Xaawo Cabdi

Caydiid Ali
Taboola Ads ---