Madaxweynaha dalka Turkiga Rajab Dayib Erdogan ayaa khadka telfoonka kula hadlay Dhigiisa dalka Iiraan Hassan Rouhani , waxa uuna kala hadlay dibad baxyada iyo xiisada kusoo korotay Iiraan.
Hassan Rouhani ayaa u sheegay dhigiisa dalka Turkiga in xaaladu hada dagan tahay sidii horeyna uu dalka kusoo laabtay, waxa uuna tilmaamay in dabad baxyadu ahaayeen kuwa si dimuquraadi ah u dhacay.
Madaxweynaha Turkiga ayaa ku eedeeyay Dowladaha Mareykanka iyo Israa’iil in faragalin toos ah ku hayaan arimaha Wadamada Iiraan iyo Pakistan iyo guud ahaan wadamada Islaamka.
Waxa uu sheegay Madaxweyne Erdogan in dowladiisa si weyn uga soo horjeedo faragalinta qaawan ee Mareykanka iyo Israa’iil ku hayaan dowladah Islaamka gaar ahaan dowladaha Iiraan iyo Pakistan.
Dalka Iiraan waxaa maalmhii lasoo dhaafay ka socday banaan baxyo waa weyn oo looga soo horjeeday Dowlada, waxa ayna Iiraan ku eedeesay in Mareykanka uu faragalin ku hayo dalkeeda .
Xafiiska Shabakada Allbanaadir.com
Muqdisho Somalia
Allbanaadir@live.com
