Madaxweynaha Soomaaliya Xasan Sheekh Maxamuud ayaa safar aan la shaacin ku aaday maanta dalka isu tagga Imaaraadka Carabta.
Villa Somalia kama hadlin safarka Madaxweynaha iyo ujeedada uu u booqanayo dalka Imaaraadka Carabta
Safarka ayaa ku soo aadaya xilligii uu muddooyinkii u dambeeyay xiriirka Soomaaliya iyo Imaaraadka uu ahaa mid aan hagaagsaneyn, kaddib dhacdooyin dhowr ah oo siyaasadeed awgeed oo labada dhinac si aan ku tala gal aheyn u qaadeen.
Dhawaan Wasaaradda Arrimaha Dibadda, gaar ahaan Wasiirkeeda iyo Wasiiru Dowlaheeda ayaa siyaabo iska horjeeda uga hadlay siyaasadda Arrimaha dibadda ee ku wajahan Imaaraadka.
Imaaraadka ayaa dhowaan ku casuumay shir caalami ah oo ka dhacayey dalkiisa Madaxweynaha Somailand C/raxmaan Ciro arrintaasoo ay ka caroodeen madaxda sare ee dalka inkastoo aysan goob fagaare ah uga hadlin.
