War- saxaafadeed ay si wadajir ah usoo saareen saddex kamid ah musharaxiinta u taagan xilka Madaxweynaha Soomaaliya, ayey ku garab istaageen ugu muujiyeen ciidanka dowladda iyo kuwa deegaanka ee dagaalka kula jira Al Shabaab.
“Waxaan si buuxda u garab-taagannahay ciidamada qalabka-sida oo ay ugu horreeyaan Ciidanka Xoogga Dalka Soomaaliyeed, Daraawiishta iyo halgamayaasha degaanka ee Macawiisleyda ee Argagaxisada Daacish iyo Al-Shabaab kula diririya gobollada Bari iyo Shabeellaha Dhexe ee Dowlad-goboleedyada Puntland iyo Hirshabeelle” ayaa lagu yiri warka kasoo baxay musharaxiintan.
