Ciidamada difaaca maamulka Puntland , ayaa wada howlgallo balaaran oo ay ku baadigoobayaan firxad maleeshiyaad katirsan kooxda Daacish, kuwaa oo isaga cararay talisyo iyo deegaanno horey gacanta kooxdaasi ugu jiray.
Saraakiisha ciidanka ayaa sheegay in howlgalka socdo uu yahay mid lagu soo afjarayo kooxda Daacish, sidoo kale ku raadinayaan maleeshiyaad katirsan kooxdaasi oo mararka qaar si dhuumaaleysi ah qaraxyo ugu aasaya buuraha dhaxdooda.
Ciidanka howlgalka ku jira ayaa isu maray deegaannada ku hareeraysan Togga-jeceel iyo Togga Ina Cidoole, gaar ahaan deegaanka Dhextaal oo ay ku dhuumaleysanayeen firxadka argagixisada Daacish, waxa ayna ciidanka isku fidiyeen talisyadii ay ka carareen kooxda Daacish.
Taliska ciidanka difaaca Puntland, ayaa caddeeyay in ay ka go’an tahay soo afjarida jiritaanka kooxda Daacish, waxa ayna xuseen in ciidanjooda diyaar u yihiin sidii ay kooxdaasi argagaxisada ah guud ahaan uga saari lahaayeen deegaannada Puntland.
Xafiiska Shabakadda Allbanaadir.com
Muqdisho Somalia
Allbanaadir@live.com
