War-saxaafadeed kasoo howlgalka ciribtirka argagaxisada Daacish , ayaa lagu soo dhoweyay dadkii lasoo xiriiray ee ka faa’ideystay 7-da cisho ee fursada cafis ee Madaxweynuhu u fidiyey cidkasta oo la shaqeynaysay Argagixisada Daacish ee kasoo laabanaysa fekerkaasi.
Qoraalka ayaa sidoo kale lagu bogaadiyay xubnaha dadkaasi ku metela maamulka Puntland iyo waxgaradkooda oo u fududeeyay fursadan.
Hawlgalka ciribtirka warka kasoo baxay ayaa lagu sheegay in dadkii  kale ee aan xiriir soo sameyn fursadu weli u furantahay wakhtiga ka harsan, Asbuucii lasiiyey ee loo qabtay.
Hawlgalka Ciribtirka Argagixisada ee Puntland waa mid soconaya illaa guud ahaan Puntland oo dhan laga ciribtiro Argagixisada, waxaan u mahadcelinaynaa Shacabkeenna si walbo u garab taagan Ciidanka, gaar ahaan dadka ku nool dhulka baadiyaha ah ee soo gudbinaya firxadka Argagixisada iyo cidkasta oo ay ka shakiyaan.
