Nin muslim hubeysan, ayaa weerar dhaliyay khasaaro isugu jira dhimasho iyo dhaawac ka geestay magaalada Haifa ee dhulka Israa’iil xooga ku heesato.
Ugu yaraan hal qof oo Israa’iil ah, ayaa lagu dilay weerarkan oo mindi loo adeegsaday, halka afar qof oo kalana lagu dhaawacay, waxaana goobta weerarka ka dhacay kala carar.
Ciidanka ammaanka Israa’iil ayaa toogasho ku dilay ninka fuliyay weerarka mindida loo adeegsaday, waxa ayna ciidamada wadaan howlgallo baaritaano ah ku aadan weerarkan iyo ninka fuliyay.
Weerarka ayaa la sheegay in uu fuliyay Nin ka soo jeeda bulshada Druze ee heysta jinsiyada Israa’iil, kuwaasoo loo aqoonsanyahay Carab ku hadasha af carabi oo dhex deggan dhulka ay Israa’iil xoogga ku heysato.
