Madaxweynaha Mareykanka Donald Trump ayaa shaaca ka qaaday magacyada shan qaybood oo ah “Qorshayaasha Lacagta Dijitalka ah ‘ ee cryptocurrencies’ oo uu sheegay in uu jeclaan lahaa in lagu daro kayd cusub oo istiraatiiji ah si uu Mareykanka uga dhigo “Crypto Capital of the World”.
Qiimaha suuqa ee shantaan lacagta dhijitalka ah” ee uu magacaabay – Bitcoin, Ethereum, XRP, Solana iyo Cardano – dhamaantood si degdeg ah ayey kor ugu kaceen ka dib markii lagu dhawaaqay.
Intii lagu jiray ololihii madaxweynenimada ee Trump, wuxuu si gardarro ah u xushay bulshada crypto. Madaxweynihii hore ee Mareykanka, Joe Biden, ayaa kormeeray olole lagu xakameynayo crypto sababo la xiriira walaac ku saabsan musuqmaasuqa iyo lacagaha la dhaqo.
Ma cadda sida kaydka cusubi u shaqayn doono. Macluumaad dheeri ah ayaa la filayaa Jimcaha, marka Trump uu qorsheynayo inuu martigeliyo shirweynihii ugu horreeyay ee Crypto ee Aqalka Cad.
Qoraal uu soo dhigay baraha bulshada Axaddii, Trump wuxuu sheegay inuu saxiixay amar “ku amray kooxda shaqada ee madaxweynaha inay horumariyaan kaydka Istaraatiijiyadda Crypto oo ay ku jiraan XRP, SOL, iyo ADA”.
Qiyaastii saacad ka dib wuxuu baahiyay qoraal kale isagoo yiri: ” Sida cad, BTC iyo ETH, sida Cryptocurrencies-ka kale ee qiimaha leh, waxay noqon doonaan ubucda kaydka.”
Saddexdaan qaybood ee ugu horreysay ee uu magacaabay Trump ayaa kor u kacay ilaa 62% Axadii shalay.
Bitcoin iyo Ethereum sidoo kale waxay sare u kaceen in ka badan 10% midkiiba.
Qoraallada ayaa iftiimiyay isbeddel cusub oo ah kor u kaca qiimaha crypto, kaas oo si aad ah hoos ugu dhacay tan iyo markii loo doortay.
Wax yar ka dib markii uu xafiiska la wareegay bishii Janaayo, Trump wuxuu saxiixay amar fulineed si uu u abuuro koox shaqo oo loo xilsaaray soo jeedinta sharciyada cusub ee crypto iyo xeerar.
Amarka ayaa faraya kooxda inay “qiimeeyaan abuurista iyo dayactirka suurtagalka ah ee kaydinta hantida dhijitaalka ah ee qaranka” taas oo loo isticmaali ka “cryptocurrencies ayna si sharci ah u qabsato Dowladda Federaalka iyada oo loo marayo dadaalkeeda sharciga-fulinta”.
Ma cadda in abuurista kayd cusub oo istaraatiijiyadeed qaran ay u baahan doonto meel-marinta Congress-ka.
Trump wuxuu horey u dhaleeceeyay crypto, isagoo u sheegay Fox News 2021 in Bitcoin ay tahay “khiyaano”.
Waa maxay lacagta Cryptocurrency?
Cryptocurrency (Kirirbtookaaransi) waa lacago dhijitaal ah, waana nooc ka mid ah hantida dhijitaalka ah oo ee aan la taaban karin ama la arki karin.
Dunida cusub ee aynu ku noolnahay lacagteedu waxay isu sii beddeleysaa qaab dhijitaal ah. Cryptocurrency (Kiribtookaaransi) waa lacago dhijitaal ah, waana nooc ka mid ah hantida dhijitaalka ah oo ee aan la taaban karin ama la arki karin.
Lacagta dhijitaalka ah waxaa loogu shaqaystaa qaab aad u casriyaysan waxaana loo adeegsadaa hab loo yaqaan “cryptography” (kiribtoografi) iyo tiknoolojiyadda Blockchain (balookjayn), si loo xaqiijiyo wax kala iibsiga iyo sidoo kale in la xakameeyo samaynta cutubyo cusub oo lacagahaa ah. Waxaa loo qaabeeyey in ay u shaqeyso si ka madaxbannaan hay’ad maaliyadeed, sida bangiyada dhexe, dawladaha, ama maamul dhexe oo maareeya.
Xiisaha sii kordhaya ee maalgashadayaasha waaweyn iyo shakhsiyaadka iibsanaya ‘bitcoin’ ayaa sii dedejiyey labadii sano ee la soo dhaafay qiimihiisa.
Kahor, cryptocurrencies waxaa loo yaqaannay aagag ay si gaar ah u adeegsadeen ururrada ku xiran dambiilayaasha caalamiga ah si ay u fuliyaan macaamilladooda sharci darrada ah iyagoo aan la aqoonsan.
