Al-Shabaab ayaa maanta weeraray deegaannada Alkowsar iyo Cadow Gurey, oo ka kala tirsan gobollada Hiiraan iyo Shabeellaha Dhexe, halkaasi oo dagaal culus uu ka dhacay.
Aroornimadii hore ee maanta, kooxda Al-Shabaab oo iska soo hormarisay laba qof oo isku soo xiray walxaha qarxa ayaa weerar ku qaaday deegaanasa Cadow Gurey Al Kowsar, oo saldhig u ah ciidamada dowladda iyo kuwa deegaanka ee ka howlgala inta u dhexeysa degmooyinka Halgan iyo Buuloburde.
Dagaalka oo socday saacado badan ayaa la isku adeegsaday hubka noocyadiisa kala duwan, waxaana ka qeyb qaatay ciidanka kumandoska Danab iyo dayuuradaha Dronerka Mareykanka oo cirka ka taageerayey.
Saraakiisha ciidamada DF ayaa sheegay in dagaalkaas si xun loogu jebiyey Al Shabaab isla markaana lagu dilay ciidan fara badan.
Barta Telegram ayaa lagu soo bandhigay meydad fara badan oo ah xubnihii dagaalkaas looga dilay Al shabaab iyo sidoo kale kale gaadiid dagaal oo laga gubay.
“Khawaarijtii weerarka soo qaaday ayaa goobta lagu xasuuqay, waxaana sidoo kale la gubay gaadiid ay wateen iyadoona laga furtay hub fara badan” ayuu yiri sarkaal ka tirsan ciidamada DF oo dagaalkaas qeyb ka ahaa.
Ciidanka DF iyo kuwa deegaanka ayaa wali ku guda jira firxadka kooxda Al-Shabaab kuwaasoo u kala firdhaday degaanada howdka ah ee ku yaalla hareeraha Al Kowthar waxaana hadda degan xaalada degaanadaas
Al shabaab ayaa maalmahan isku dayeysa iney dib u qabsato degaano horey looga saaray oo ka tirsan gobolada Hiiraan iyo Sh/dhexe inkastoo aysan u suuragalin oo si xun loogu jeebiyey weerarada ay soo qaadeen.
