Dabley hubeysan ayaa caawa degmada Yaaqshiid ee magaalada Muqdisho ku toogtay nin la sheegay inuu maamule ka ahaa iskuul ku yaalla degmadaas.
Xuseen Maxamed Xuseen ayaa Macalin & Maamuleba ka ahaa Iskuulka hoose dhexe iyo sare ee Al-Kifaax ee ku yaalla agagaarka Warshada Coca Cola, waxaana caawa lagu dilay agagaarka iskuulkaas.
Goob joogayaal ayaa sheegay in ragga dilka geystay ay goobta ka baxsadeen.
Weli lama oga sababta loo dilay ninkan Maamulaha ka ahaa iskuulka & cida ka dambeysa.
Dilalka loo geysanayo maamuleyaasha Iskuulada ayaanan ku cusbeyn degmada Yaaqshiid, todobaadyo ka hor ayeyna aheyd markii dilal noocan ah loo geystay labo nin oo maamuleyaal ka ahaa iskuulo ku yaalla isla degmadaas.
Xafiiska Shabakada Allbanaadir.com
Muqdisho Somalia
Allbanaadir@live.com
