Madaxweynaha dowlad goboleedka Galmudug Axmed Ducaalle Xaaf ayaa markii ugu horeysay ka hadlay weerarkii saaka ka dhacay magaalada Gaalkacyo.
“Anigoo ku hadlaya magaceyga iyo ka shacbiga Galmudug, waxaan tacsi u dirayaa Eheladii, Qaraabadii & Asxaabtii ay ka baxeen dadkii saaka lagu laayay weerarkii ay Al-shabaab la beegsatay Magaalada Gaalkcayo” ayuu yiri Madaxweyne Xaaf
Madaxweynuhu waxaa uu weerarkaas ku tilmaamay mid laga xumaado isagoo boggaadiyay ciidamada ammaanka Galmudug oo si dhaqsi leh u soo afjaray, isla markaana nolosha ku qabtay mid ka mid ah raggii weerarkaasi fuliyey.
Xaaf ayaa faray laamaha amniga inay xoojiyaan dadaalkoodu ku aadan xaqiijinta Nabadgalyada, kana hor tagaan kooxo uu ugu yeeray nabadiid.
Ku dhawaad 20 ruux oo uu ku jiro Sheekh Cabdiweli Cilmi Yare iyo labo caruurtiisa ka mid ah ayaa lagu dilay weerarkan oo isugu jiray is qarxin ah iyo weerar toos ah oo lagu bartilmaameed saday xarunta wadaadkaas.
Xafiiska Shabakada Allbanaadir.com
Muqdisho Somalia
Allbanaadir@live.com
