Guddoomiyaha Gobolka Banaadir Ahna Duqa Magaalada Muqdisho Maxamed Axmed Amiir ayaa xafiiskiiska ku qaabilay Cadnaan Maxamed Cali oo ah wiil 9-jir lana dhibaatoonaya xanuun ka haleelay Wadnaha, kaas oo wadanka gudihiisa wax looga qaban waayay sida ay sheegtay hooyo Ruqiyo Maxamed Cali.
Kulankan waxaa goobjoog ka ahaa Guddomiyaha Golaha Dhallinyarada Qaranka Soomaaliyeed Ahna Guddoomiyaha Daryeel Bulsho Maxamed Cali Siyaad, oo sheegay inuu ka war haayay xaalada Cadnaan oo kasoo jeeda qoys danyar oo aan awoodin inay iska bixiyaan qarashaadka ku baxaaya caafimaadkiisa.
Guddoomiyaha Gobolka Banaadir Ahna Duqa Magaalada Muqdisho Maxamed Axmed Amiir ayaa balanqaaday inuu garab istaagi doono xaalada caafimaad ee Cadnaan Maxamed Cali, islamarkaana uu si dhow uga war heyn doono mudada lala tacalaayo xaaladiisa, maadaama dhawaan loo qaadi doono caafimaad dibada ah.
Duqa Muqdisho ayaa ugu baaqay ummada Soomaaliyeed ee ilaahey wax siiyay inay ilgaar ah ku fiiriyaan dadka danta yar ee daruufaha la nool.
