Ciidanka xoogga dalka Soomaaliyeed, gaar ahaan kumaandooska Gorgor iyo qeybta 21-aad iyo ciidamadda deegaanka, ayaa fuliyay howlgalo qorsheysan oo ka dhan ah kooxda Al Shabaab, waxaana howlgalkan laga fuliyay deegaano ay kamid yihiin Tuulo Xaaji iyo Tuulo Cadad ee hoostaga degmada Xarardheere.
Howlgalkan oo ciidamada huwanta ah wadeen saddex maalin oo xariir ah ayaa looga gon lahaa kahortagga weeraro ay soo qaadaan kooxda Al Shabaab, waxa ay sidoo kale ciidamada tagayeen deegaanno lagu sheegay in kooxda Al Shabaab dhuumaaleysi ku yimaadaan.
Saraakiisha ciidanka hoggaamineysay ayaa sheegay in ay heleen xogta dhagaro ay maleegayaan kooxda Al Shabaab, waxa ayna xuseen in ciidamada diyaar u yihiin kahortagga dhagar kasta ay shacabka u maleegayaan kooxaha argagaxisada ah.
Ciidanka dowladda Soomaaliya iyo dadka deegaanka ee ku sugan degmada Xarardheere, ayaa xilliyada qaar sameeya howlgallo ay uga hortagayaan weeraro ay kooxda Al Shabaab ka fuliyaan deegaanno hoostaga degmada Xarardheere ee gobolka Mudug.
Xafiiska Shabakadda Allbanaadir.com
Muqdisho Somalia
Allbanaadir@live.com
