Ciidamada RSF ee dagaalka kula jira milatariga Sudan ayaa lagu burburiyay dagaalka ka socda dalkaaso, waxayna RSF ku dhowyihiin inay si dhammeystiran uga baxaan magaalada Khartuum, taa oo gaarsiinaysa guushii u sarreysay ciidanka militariga Suudaan ee hadda ku sugan koonfurta iyo koonfur-bari Khartuum, kaddib markii aya dhawaan la wareegeen caasimadda gobolka Jasiira.
RSF, waxay u muuqataa inay qaadatay siyaasad dib u gurasho, iyagoo hadda la arkayo inay aag difaac u adeegsan doonaan aagga warshadaha ee Giad oo 80 km koonfurta uga beegan Khartuum.
Waxaa hoos u dhacday taageerradii ay heli jirtay RSF, halka militariga Suudaan ay kaalmo militari ka heleen; Ruushka, Turkiga , Sacuudiga , Masar iyo Iran , taa oo xoojisay awoodooda militari ee ay ku burburinayaan saldhigyada militari ee RSf oo ay u adeegsadeen diyaaradaha aan duuliyaha lahayn.
Dagaalka u dhaxeeya ciidamada milatariga dalka Sudan iyo kooxda RSF ayaa galaya sannadkii labaad, waxa uuna dagaalkan sababay dhimashada dad badan oo shacab ah iyo barakac iyo burbur baahsan.
