Madaxweynaha Jubbaland Axmed Madoobe ayaa Kismaayo ku laabtay maanta. Kadib sadex isbuuc oo uu magaalada Nairobi ku sugnaa.
Axmed Madoobe oo dayuurad gaar ah ay ka soo qaaday Nairobi ayaa waxaa garoonka Kismaayo ku soo dhoweeyey Ku-xigeenadiisa qaarkood, masuuliyiin ka tirsan Maamulkiisa iyo dadweyne.
Safarka Hogaamiyaha Jubbaland uu ku tagay Nairobi ayaa waxaa si weyn uga carootay dowlada federaalka Somalia oo khilaaf siyaasadeed uu kala dhexeeyo taasoo xanibaad dhinaca safarada ah ku soo rogtay Axmed Madoobe.
Dowlada Federaalka ayaa horay Kenya u weydiisay fasiraad ku saabsan safarka Axmed Madoobe oo dayuurad gaar ah oo ka timid Kenya ka qaaday magaalada Kismaayo hase ahaatee Kenya ayaan illaa hadda ka jawaabin dalabka DF.
Kenya iyo Axmed Madoobe ayaa waxaa ka dhexeeya xiriir dhow iyo wada shaqeyn la xiriirta la dagaalanka Al shabaab, waxaana degaanada Jubbaland meelo ka mid ah saldhigyo ku leh ciidamo Kenyan ah oo hoos taga howlgalka midowga Afrika ee ATMIS.
HOOS KA DAAWO SAWIRRO
