Khasaaraha dhimasho ee ka dhashay diyaaradihii rakaabka iyo tii Helicopterka ee iskula dhacay hawada magaalada Washigton ee dalka Mareykanka ayaa sii kordhaya, waxaana wali socda baadigoobka dadkii diyaarada saarnaa.
Warbaahinta dalka Mareykanka ayaa ku waramaya in wabiga ay ku dhaceen labada diyaaradood ee isku dhacay laga soo saaray meydadka 19-qof, waxaana wali socda baadigoob loogu jiro dad nool iyo meydad horleh oo laga raadinayo gudaha wabiga.
Labada diyaaradood oo isku dhacay oo kala ah mid nuuca rakaabka ah oo wadday ilaa 64 qof oo isugu jiray rakaab iyo shaqaalaha diyaarada iyo diyaarada Helicopter ah oo lahaayeen ciidamada Mareykanka oo siday saddex askari .
Ciidamada Mareyaknka gaar ahaan kuwa samatabixinta , ayaa baadigoob xooggan kawada wabiga  Potamac oo ay ku dhex dhaceen labada diyaaradood ee isku dhacay, waxaana loo badinayaa dadkii saarnaa diyaaradaha shilka galay intooda badan in ay dhinteen.
Xafiiska Shabakada Allbanaadir.com
Muqdisho Somalia
Allbanaadir@live.com
