Ciidanka booliiska Soomaaliya , gaar ahaan kuwa ka howlgala saldhigga degmada Dayniile, ayaa goordhaw xaafada Gubta gaar ahaan halka loo yaqaan Garaashta oo katirsan degmada Dayniile waxa ay kudileen labo nin oo hubeysan oo katirsanaa Al Shabaab.
Sida aan wararka ku helnay labada nin oo biskoolado ku hubeysnaa , ayaa doonayay in ay dilaan qoryahana ka qaataan labo askari oo katirsan ciidanka booliiska oo iyana qorya watay, waxaana halkaasi ka dhacay iska horimaad labada dhinac dhax maray.
Ragga hubeysan ayaa marka hore la sheegay in xabbadku dhufteen mid kamid ah labada askari, waxaana durba is difaacay askarigii la dhaawacay , iyadoona askarigii kale ee badbaaday oo isna rasaas oodda uga qaaday raggii hubeysnaa ee doonayay in ay dilaan.
Goobta iska horimaadka ka dhacay waxaa ku dhintay labadii nin ee doonayay in ay dilka geestaan iyo qof kale oo shacab ah oo la sheegay in xabbadihii la is dhaafsanayay haleeshay, waxaa sidoo kale ku dhaawacmay askari katirsanaa ciidanka booliiska.
Goobta lagu dilay ragga hubeysan ee katirsan degmada Dayniile, waxaa gaaray ciidano katirsan booliiska iyo nabadsugidda , kuwaa oo goobta ka bilaabay baaritaanno ku aadan sida uu u dhacay iska horimaadka ragga hubeysan ee katirsanaa Al Shabaab iyo booliiska dhax maray.
Xafiiska Shabakada Allbanaadir.com
Muqdisho Somalia
Allbanaadir@live.com
