Madaxweynaha dowlad goboleedka HIrshabelle , ayaa wareegto uu soo saaray ugu magacaabay Lataliyaha Sare Ee Arrimaha Dalalka Carabta iyo Islaamka in uu u noqdo Sheekh Cali Maxamuud Xasan (Wajiis) oo kamid ah culimada Soomaaliyeed ee caanka ah.
Sheekhan laga dhigay Lataliyaha Sare ayaa kamid ah wadaadada sida weyn u taageersan dowladda uu hoggaamiyo Madaxweyne Xasan Sheekh, waxa uuna marar badan soo saaray fatwooyin ka dhan ah dadka diidan dowladda hadda jirta.
Dad badan oo ka falceliyay wareegtada uu Madaxweyne Guudlaawe Lataliyaha Sare ugu magacaabay Sheekh Cali Wajiis ayey ku sheegay in aysan jirin wax iska galay Hirshabelle iyo dalalka Carabta, waxa ayna dadka qaar tilmaameen in tallaabadan tahay kaliya mid mushaar lagu siinayo wadaadkan.
Madaxweynaha maamulka Hirshabelle, ayaa marar badan magacaabay xilal aad u tiro badan oon qaarkood shaqo ahaan jirin, waxaana la tilmaamaa qofkii uu rabo in uu lacag siiyo in uu u sameeyo xil aan jirin balse magac ahaan mushaar loogu qaadanayo.
Xafiiska Shabakada Allbanaadir.com
Muqdisho Somalia
Allbanaadir@live.com
