Taliyaal iyo saraakiil ciidan oo katirsan maamulka Puntland, ayaa maanta kormeer ku tagay saldhigyo iyo goobo kale oo dagaal looga saaray kooxda Daacish, waxa ayna ciidamada Puntland guulo wax ku ool ah ka gaareen howlgalka ka socda buuraha gobolka Bari.
Taliyaasha iyo saraakiisha la socotay ayaana kormeer gaar ah ku sameeyay fariisimihii kooxda Dacaish laga saaray ee aagga Turmasaale, waxa ayna xubnahan la kulmeen ciidanka difaaca Puntland ee halkaasi ka wada howlgalka ka dhanka ah kooxda Daacish.
Waxa ay saraakiishan bogaadiyeen ciidamada difaaca Puntland ee u dhabar adeegay difaaca deegaannadooda, waxa ayna u sheegeen in ay yihiin geesiyaal naftooda u huraya difaaca Puntland iyo sidoo kale dadkeeda.
Ciidamada Puntland ayaana la wareegay saldhigyo iyo xarumo kale oo ay buuraha ku lahaayeen kooxda Daacish, waxaana maanta oo u dambeysay ciidamada Puntland la wareegeen talisyo ay lahaayeen kooxda Daacish oo kuyaalla aagga Turmasaale.
Xafiiska Shabakada Allbanaadir.com
Muqdisho Somalia
Allbanaadir@live.com
