Ciidanka Booliska Jubbaland ee Degmada Dhoobley ayaa gacanta ku soo dhigay Rag lagu eedeynayo Ugaadhsiga iyo ganacsiga sharci-darrada ah ee ugaadha deegaanka.
Falalkan ayaa khatar weyn ku hayay Duur-joogta iyo Deegaanka, iyadoo horey loo mamnuucay laynta Duur-joogta iyo xaalufinta Deeganka.
Taliyaha Amniga Guud ee Dhoobley, Gaashaanle Sare Maxamed Haybe Muxumed, ayaa sheegay in Raggan lagu soo qabtay howlgal qorsheysan, isla markaana la horgayn doono Cadaalada.
Wuxuu ku booriyay bulshada inay ka qeyb qaataan ilaalinta Duur-joogta iyo ka hortagga xaalufinta Deegaanka wuxuuna u digay shaqsiyaadka ku howlan ugaarsiga duurjoogta in lala tiigsan doono sharciga aysana badbaadi doonin.
 
