Madaxweynaha Somaliland, Mudane Cabdiraxmaan Maxamed Cabdillaahi (Cirro), waxa uu maanta oo ay taariikhdu tahay 23/01/2025 uu wareegto Madaxweyne oo summadeedu tahay JSL/XM/WM/222-0047/012025 uu ku magacaabay taliyaha Ciidanka Milatariga iyo Taliyaha Ciidanka Booliska.
Wareegtada uu soo saaray Madaxweynaha Somaliland , ayaa xilka looga qaadayd Sarreeye Gaas, Nuux Ismaaciil Taani iyo Sarreeye Gaas, Maxamed Aadan Saqadhi, waxaana lagu beddelay Sarreeye Guuto, Nimcaan Yuusuf Gaaxnuug iyo Sarreeye Guuto, Cabdiraxmaan Cabdillaahi Xasan Allaale.
Madaxweynaha Somalialnd Cabdiraxmaan Cirro, ayaa labada taliye uu maanta xilka ka qaaday sidoo kale ka dhigyay in ay noqdaan lataliyaashiisa gaark aah ee ciidamada Milatariga iyo kuwa Booliiska maamulka Somaliland.
Wareegtada Madaxweynaha soo saaray ayaa u qorneyd sida tan:
𝐖𝐚𝐫𝐞𝐞𝐠𝐭𝐨 𝐌𝐚𝐝𝐚𝐱𝐰𝐞𝐲𝐧𝐞
𝐌𝐚𝐠𝐚𝐜𝐚𝐚𝐛𝐢𝐬
𝐌𝐚𝐫𝐤𝐢𝐢 𝐚𝐚𝐧 𝐚𝐫𝐤𝐚𝐲: Qoddobka 90aad ee Dastuurka Jamhuuriyadda Somaliland;
Markii aan tixgeliyey: Muhiimadda ay Ciidammada kala duwan ee Qaranku u leeyihiin, Madax-bannaanida Qaranka, Difaaca, Ilaalinta iyo sugidda nabadgelyada gudaha, Badbaadinta iyo illaalinta nafta iyo hantida bulshada, Dhawridda Xorriyaadka aasaasiga ah iyo Fulinta ku dhaqanka Dastuurka iyo Shuruucda Jamhuuriyadda Somaliland;
Markii aan ku qancay: Aqoontooda, Kartidooda, naf-hurnimadooda iyo waayo-aragnimadooda shaqo, isla markaana ay hanan karaan waajibaadka & mas’uuliyadaha ka dhalanaya xilalkan;
Markii aan sameeyey: La-tashi;
𝐖𝐚𝐱𝐚 𝐚𝐚𝐧 𝐠𝐨’𝐚𝐚𝐦𝐢𝐲𝐞𝐲 𝐥𝐚𝐠𝐚 𝐛𝐢𝐥𝐚𝐚𝐛𝐨 𝐭𝐚𝐚𝐫𝐢𝐢𝐤𝐡𝐝𝐚 𝐦𝐚𝐚𝐧𝐭𝐚;
1. In Sarreeye Guuto, Nimcaan Yuusuf Cismaan Gaaxnuug uu ahaado Taliyaha Ciidanka Qaranka Somaliland.
2. In Sarreeye Guuto, Cabdiraxmaan Cabdillaahi Xasan Allaale (Cabdi Dheere) uu ahaado, Taliyaha Ciidanka Booliska Somaliland.
3. In Sarreeye Gaas, Nuux Ismaaciil Taani uu ahaado La-taliyaha Madaxweynaha ee Arrimaha Ciidanka Qaranka ee J Somaliland.
4. In Sarreeye Gaas, Maxamed Aadan Saqadhi, uu ahaado La-taliyaha Madaxweynaha ee Arrimaha Ciidanka Booliska ee Somaliland.
Xafiiska Shabakada Allbanaadir.com
Muqdisho Somalia
Allbanaadir@live.com
