Afar Israa’iiliyiin ah ayaa lagu dhaawacay weerar toorey loo adeegsaday oo ka dhacay magaalada Tel aviv xalay fiidnimadii sida ay sheegeen saraakiisha amaanka Yuhuuda.
Ninka weerarka fuliyay ayaa lagu sheegay magaciisa Abdelaziz Kaddi oo 29 jir ah una dhashay dalka Morocco.
Saraakiisha ayaa ku waramay in ninkan uu israel ka soo galay dhinaca Mareykanka.
Weerarka ayaa ka dhacay waddo mashquul ah oo ku taalla bartamaha magaalada Tel aviv.
Booliiska Israa’iil ayaa sheegay inay toogteen ninka weerarka fuliyay oo ku dhintay rasaasta ay ku fureen.
Dadka dhaawaca ah ayaa la sheegay in qaarkood ay xaaladooda caafimaad aad u liidato, waxaana loola cararay goobaha caafimaadka.
Weerarada loo adeegsanayo mindida ayaa waayadan ku soo batay magaalada Tel aviv kuwaasoo ay geysanayaan dad falastiiniyiin ah iyo qaar kale oo ka soo jeeda dalalka carabta kuwaasoo ka careysan xasuuqa ay ciidamada Israel ka wadaan magaalada Gaza.
HOOS KA DAAWO SAWIRADA
