Dagaal u dhaxeeyay ciidamada maamulka Somaliland iyo kuwa maamulka Khaatumo , ayaa shalay galinkii dambe ka dhacay deegaanno ay isku hor fadhiyaan labada ciidan oo kuyaalla gobolka Sool, waxaana dagaalka la sheegay in khasaarooyin ka dhashay.
Sida aan wararka ku helnay dagaalka ayaa ka dhacay deegaanka lagu magacaabo Guumeys oo kuyaalla aagga Oog ee gobolka Sool, waxaana labada ciidan ee Somaliland iyo Khaatumo is dhaafsadeen hubka nuucyadiisa kala duwan .
Khasaaro ayaa lagu soo waramayaa in labada ciidan ee dagaallmaay uu kala gaaray, mana jiro faah faahinno badan ay saraakiisha labada ciidan ka kala bixiyeen dagaalka dhax maray, waxa ayna qolo walbo dhinaca kale ku eedeeyeen masuuliyadda dagaalka bilowshihiisa.
Xaalada deegaankii dagaalku ka dhacay ayaa saakay lasoo sheegayaa in ay degan tahay, waxaana wali aagaasi isku hor fadhiya labada ciidan ee iska soo horjeeda, kuwaa ay suurto gal tahay in mar kasta ay haddana dagaallamaan.
Ciidamada maamulada Khaatumo iyo Somaliland , ayaa isku horfadhiya deegaanno kuyaalla gobolada Sool iyo Sanaag, waxaana ciidamada marar badan dhax maray dagaallo sababay khasaarooyin dhimasho iyo kuwa dhaawac.
Xafiiska Shabakada Allbanaadir.com
Muqdisho Somalia
Allbanaadir@live.com
