Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa kormeer shaqo ku tagay xarunta Wasaaradda Gaashaandhigga Xukuumadda Soomaaliya.
Madaxwaynaha ayaa kulammo miro-dhal ah kula qaatay xarunta Wasaaradda Gaashaandhigga Taliyeyaasha Ciidamada Qalabka Sida iyo Nabad Sugidda, si loo dardargeliyo howlgallada lagu ciribtirayo kooxaha argagaxisada ee Al Shabaab.
Xasan Sheekh, ayaa sidoo kale ka dhageystay hoggaanka Ciidamada Qaranka warbixinno ku saabsan xaaladda guud ee amniga dalka, dagaalka lagula jiro argagixisada iyo sidii loo sii xoojin lahaa, isaga oo ku bogaadiyey daddaallada geesinnimada iyo nafhurinimada leh ee ay muujiyeen ciidammada xoogga dalku.
Kormeerka Madaxweynaha Soomaaliya ku tagay xarunta Wasaaradda Gaashaandhigga , ayaa kusoo aadeysa xilli dowladda qorsheeneyso in howlgallo ka dhan ah kooxda Al Shabaab ka bilowdo qaar kamid ah gobolada dalka.
Xafiiska Shabakada Allbanaadir.com
Muqdisho Somalia
Allbanaadir@live.com
