Kooxo hubeysan ayaa saacadihii la soo dhaafay dilal kala duwan ka geystay degmada Afgooye ee gobolka Sh/hoose.
Nabadoon Cali Cumar Tawakal oo ka mid ah waxgaradka sida weyn looga yaqaano degmadaas ayaa ka mid ah labo qof oo degmadaas lagu toogtay.
Wararka ayaa sheegaya in nabadoonka la dilay uu aabe u ahaa weriye ka mid ah kuwa ka howlgala degmada Afgooye ee gobolka Sh/hoose.
Qofka labaad ee degmada Afgooye lagu dilay ayaa ahaa askari ka tirsan ciidamada nabad sugida dowlada Somalia ka dib markii rag bastoolado ku hubeysan ay weerar ku soo qaadeen.
Ciidamada amaanka dowlada ayaa saaka howlgalo xooggan ka wada qeybo ka mid ah xaafadaha degmadaas oo la tilmaamay iney u baxsadeen kooxihii geystay dilalkan.
Degmada Afgooye ayaa ka mid ah meelaha ugu badan ee ay ka dhacaan dilalka askarta iyo nabadoonada beelaha Soomaaliyeed, mana jirto illaa hadda cid wax ka qabatay falalkan.
Xafiiska Shabakada Allbanaadir.com
Muqdisho Somalia
Allbanaadir@live.com
