Ciro oo xilal u Magacaabay Masuuliyiin fara badan (Magacyada)

Madaxweynaha Somaliland, Mudane Cabdiraxmaan Maxamed Cabdillaahi (Cirro) waxa uu maanta oo ay taariikhdu tahay 16/01/2025 uu wareegto Madaxweyne oo summadeedu tahay JSL/XM/WM/222-036 /012025 uu ku magacaabay Agaasimeyaal Guud oo Cusub.

Waxaanay u dhignayd Wareegtada Madaxweynuhu Sidan:-

Wareegto Madaxweyne

Magacaabid

Markii aan arkay: Qoddobka 90aad ee Dastuurka Somaliland;

Markii aan arkay: Aqoontooda, kartidooda, iyo waayo-aragnimadooda;

Markii aan tixgeliyey: Ahmiyadda ay Agaasimayaasha Guud ay u      leeyihiin u adeegidda dadweynaha Somaliland iyo dhismaha Qaranka;

Markii aan ku qancay:  Inay hanan karaan mas’uuliyadaha ka dhalanaya xilalkan hoos ku xusan;

Markii aan sameeyey:  La-tashi;

Waxa aan go’aamiyey; In laga bilaabo taariikhda maanta aan xilalkan u magacaabo mas’uuliyiinta hoos ku xusan:

1. Muniir Axmed Cigaal Faarax Agaasimaha Guud ee Wasaaradda Madaxtooyada Somaliland.
2. Cabdishakuur Ismaaciil Xuseen Kaahin Agaasimaha Guud ee Wasaaradda Shaqada, Arrimaha Bulshada & Qoyska ee Somaliland.
3. Cabdirisaaq Axmed Gaas Faarax Agaasimaha Guud ee Wasaaradda Horumarinta Beeraha Somaliland
4. Cabdalla Maxamed Yuusuf Cabdi Agaasimaha Guud ee Wasaaradda Diinta iyo Awqaafta ee Somaliland.
5. Dr Axmed Maxamuud Jaamac (Zaki) Agaasimaha Guud ee Wasaaradda Horumarinta Caafimaadka ee Somaliland.
6. Cabdiraxmaan Xuseen Xaaji Xirsi Agaasimaha Guud ee Wasaaradda Waxbarashada, Barbaarinta iyo Sayniska ee Somaliland
7. Axmed Cismaan Jaamac Faarax Agaasimaha Guud ee Wasaaradda Xannaanada Xoolaha iyo Horumarinta reer Miyiga ee Somaliland.
8. Siciid Muuse Xoosh Coofle (Rooble) Agaasimaha Guud ee Hay’adda Shaqaalaha Dawladda Somaliland.
9. Aadan Jaamac Ducaale Barre Agaasimaha Guud ee Komishinka Tacliinta Sare Somaliland.

Sidoo kale, Madaxweynaha Somaliland, Mudane Cabdiraxmaan Maxamed Cabdillaahi (Cirro) ayaa maanta oo ay taariikhdu tahay 16/01/2025 uu wareegto Madaxweyne oo summadeedu tahay JSL/XM/WM/222-035 /012025 ku magacaabay Masuuliyiinta Baanka Dhexe.

Waxay u dhignayd Wareegtada Madaxweynuhu Sidan:-

Wareegto Madaxweyne

Markii aan arkay: Qoddobka 90aad ee Dastuurka Somaliland;

Markii aan tixgeliyey: Xeerka Baanka Dhexe ee Xeer Lr 54/2012;

Markii aan tixgeliyey: Ahmiyadda uu Baanka Dhexe ee Jamhuuriyadda Somaliland u leeyahay Horumarka iyo koboca dhaqaalaha ee dalka;

Markii aan arkay: Aqoontooda, kartidooda, iyo waayo-aragnimadooda; Markii aan ku qancay:  In ay hanan karaan mas’uuliyadaha ka dhalanaya xilalkan hoos ku xusan;

Markii aan sameeyey:  La-tashi; Waxa aan go’aamiyey laga bilaabo taariikhda maanta;

1. In Cabdinaasir Axmed Xirsi Maxamed uu ahaado Guddoomiyaha Baanka Dhexe ee Somaliland.
2. In Xamse Cabdiraxmaan Kheyre Coofle uu ahaado Guddoomiye Ku-xigeenka Baanka Dhexe ee Somaliland.
3. In Yaasiin Jaamac Axmed Shide (Calase) uu ahaado Agaasimaha Guud ee Baanka Dhexe ee Somaliland