Ciidamada Difaaca Puntland ayaa maanta kooxda Daacish ka qabsaday 4-Talis oo waaweyn, Kaydad Saad, Geerashyada gawaarida iyo kuwa lagu farsameeyo qaraxyada oo ku yaalla buuraha Cal Miskaad ee gobolka Bari
Saraakiisha ayaa sheegaya talaababadan ay ka dhigayso tirade guud ee Talisyada iyo Saldhigyada ay Ciidamada Puntland ka qabsadeen Daacish intii hawlgalku socdey 48-goobod oo muhiim u ahaa.
Talisyada waaweyn ee ay Ciidamadu ka qabsadeen Daacish waxaa ka mid ah Taliska Al-Barako, Taliska Digaale iyo dhammaan saldhigyada hoostaga Hadi-dharin iyo Hadi-xanaan ee buuralayda Calmiskaad ee Gobolka Bari.
Ciidamada Puntland oo kaashanaya dayuuradaha dagaalka Mareykanka ayaa maalmahan howlgal culus ka wada buuraha Cal Miskaad ee gobolka Bari kaasoo ujeedkiisu in goobahaas looga sifeeyo xoogaga Daacish oo fariisimo ku leh aagagaas.
Puntland ayaa guulo la taaban karo ka gaartay howlgalka oo muddo dheer laga soo shaqeynayey inkastoo weli hogaanka iyo saraakisha sare ee kooxda Daacish ay ka ka dagaalamayaan qeybo ka mid ah dhulka buuraleyda ah.
