Madaxweynaha dowlad gobleedka Jubaland Mudane Axmed Maxamed Islaam, ayaa si weyn u bogaadiyay howlgalada ka dhanka ah Argagixisada ee ka socda Puntland, kaa oo lagu doonayo in lagu soo afjaro argagaxisada ku sugan buuraha gobolka Bari.
Axmed madoobe , ayaa adkeeyay ahmiyada ay leedahay in si mideysan loo wajaho dagaalka Argagixisada si dib u dhiska iyo soo kabashada dalkeennu ay u noqoto mid miro dhal ah, waxa uuna amaanay ciidamada Puntland howlgalka ay hadda wadaan.
Madaxweynaha ayaa ugu hambalyeeyay ciidamada Puntland guulaha ay ka gaareen howlgalka lagu cirib tirayo kooxda Daacish isagoo tilmaamay in howlgalkan uu u leeyahay muhiimad weyn dadka reer Puntland iyo guud ahaan ummadda Soomaaliyeed.
Ugu danbayntii Madaxweynaha maamulka Jubbaland Axmed Madoobe, ayaa ugu baaqay guud ahaan shacabka Soomaaliyeed iyo Beesha Caalamka inay ku garab istaagan Dowladda Puntland sidii uu u miro dhali lahaa howlgalkan.
Ciidamada maamulka Jubbaland, ayaa wada howlgalo balaaran oo ka dhan ah kooxda Dacaish, howlgalkan oo ah mid si weyn loo qorsheeyay ayaa ciidamada Puntlnad doonayaan in meesha uga saaraan kooxda Dacaish oo fariisimo ku leh buuraha gobolka Bari.
Xafiiska Shabakada Allbanaadir.com
Muqdisho Somalia
Allbanaadir@live.com
