Ciidanka booliska Gobolka Mudug ee magalada Galkacyo ayaa maanta ku guulaystay qabashada Xisaabiyihii kooxdii qabsaday Markabkii MV ABDALLA ee laga Lahaa dalka Bangaladesh.
Warbixin uu soo saaray Taliska Booliska Puntland ayaa lagu sheegay in hawlgal ay ciidanku ka fuliyeen magalada Galkacyo lagu soo qabtay Cali Axmed Cali Shirwac dadiisa 39jir ina Luul jaamac guleed ahna Xisabiyihii markabkii MV Abddala.
“Ciidanka booliska Gobolka Mudug ee magalada Galkacyo ayaa maanta ku guulaystay qabashada Xisaabiyihii Markabkii MV ABDALLA ee laga Lahaa dalka Bangaladesh.”
“Howlgalkan oo ay ciidanka ka fuliyeen magalada Galkacyo ayaa lagu soo qabtay Cali Axmed Cali Shirwac dadiisa 39jir ina Luul jaamac guleed
ahna Xisabiyihii markabkii MV Abddala” ayaa lagu yiri Warbixinta Booliska Puntland.
Taliyaha qaybta Booliska G.Mudug G/Sare Maxamuud Cabdixakin yusuf oo warbixin ka bixiyey hawgalkani ayaa fariin adag u diray cid kasta oo ku lugleh falalka burcadnimada, in gacanta ay ku dhigayaan sidoo kale Taliyaha ayaa hoosta ka xariiqay iney sharciga hor keeni doonaan cidkasta oo ku lug yeelata falalka burcadnimada ah.
