Dagaalo qaraar ayaa caawa ka socda degaano ka tirsan buuraleyda gobolka Bari kuwaasoo u dhexeeya ciidamada Puntland iyo kuwa Daacish ee aagagaas salshigyada ku leh.
Dagaalkan ayaa qeyb ka ah duulaan balaaran oo ciidamada Puntland doonaya iney ku soo afjaraan xoogaga Daacish ee muddo sanadao ah halkaas dagaalo ka waday.
Dayuurado aan duuliyaha laheyn ee Mareykanka oo dusha ka taageeraya ciidamada Puntland ayaa sidoo kale duqeymo ka geysanaya dhulka buuraleyda ah, iyadoo la maqlayo qaraxyo waaweyn oo rasaas xoogan oo aagagaas ka dhacaya.
Howlgalka Ciribtirka Daacish ayay guulo muhiim ah ka gaartay Puntland, waxaana ilaa hadda gacantooda laga saaray Talisyadii ugu muhiimsanaa, keydkii Raashinka ee kooxdan ayaa lasoo bandhigay oo ay yaalan nooc kasta oo Raashin ah kaasoo ciidan ka badan 600 askari ay bilo isticmaali karaan.
Duqeymihii u danbeeyey ayaa gaarsiiyey khasaare, dhimasho iyo dhaawacba leh, iyagoo Miinooyinkii ay wadooyinka ku gooyeen la saaray intii ugu badnayd.
In ka badan 4 diyaaradaha drone oo ay qaraxyo ku xireen ayaa laga soo riday daacish,.
Howlgalka ayaa bilow jooga, waxayna galeen kooxda Daacish dhulka buuraha sare, oo iyana howlgaladu cir iyo dhulba kaga socdaan, sida ay sheegtay dawladda Puntland.
