Agaasimaha Guud ee Hay’adda Socdaalka iyo Jinsiyadda Mudane Mustafa Duhulow, ayaa kulan la qaatay Danjiraha dowladda Isku-tagga Imaaraadka Carabta Mudane Ahmed Juma Al-Rumaithi
Agaasimaha Guud iyo Safiirka dowladda Imaaraadka ayaa ka wada hadlay fududeynta dal-ku-galka muwaadiniinta Soomaaliyeed ee u safra dalka Isku-tagga Imaaraadka Carabta.
Sidoo kale kulan ayey uga wadahadleen horumarinta xiriirka joogtada ah ee ka dhexeeya labada dal, gaar ahaan wada shaqeynta hay’adaha socdaalka ee labada dal, dhinacyada isweydaarsiga khibradaha iyo tababaradda.
Agaasimaha cusub ee hay’adda Socdaalka iyo Jinsiyadaha Soomaaliya , ayaa wada kulamo uu la qaadanayo qaar kamid ah wakiillada caalamka u jooga Soomaaliya, kuwaa uu taageero iyo wada shaqeyn uga raadinayo hay’adiisa.
